көлікті залалсыздандыру станциясы

(Станция обеззараживания транспорта)

УЗ-бен, бактерия-лық құралдармен, радиоактивті заттармен зақымданған техниканы толық залалсыздандыруға арналған станция. К.з.с. автобазаларда, трамвай-троллейбус деполарында ұйымдастырылады және зақымданған көлікті қабылдау, залалсыздандыру, ерітінділерді әзірлеу, адам құрамын санитарлық тазарту звеноларынан тұрады. К.з.с. 10 сағ-тық жұмыс ішінде брандспойттан шашқан су ағынымен 45—55 жүк машинасын дезактивациялап, ерітіндіге батырылған ескі шүберекпен сүртіп, 30 машинаға дейін газсыздандыра алады. Толық залалсыздандыру кезінде зақымданған көліктің бүкіл сырты және оның үстіндегі жүктер тазартылады.